శతక పద్యాలు
వీరన్న పదాలు(25.11.2015)
ఆకులలముల కన్న,కూరగాయల కన్న,
వెర్రిఉల్లి కన్న , పప్పుబెల్లము కన్న
మాంసహారమె నేడు చవకాయె చూడర
తప్పు చెప్పడు వీరన్న తరచి చూడ
..1
కార్తీకమాసమని కాంతలందరు నేడు
దీపాలు వెలిగించి ధూపంబు నిచ్చి
కోరుకున్నదేమి? మగని మేలే కదా!
తప్పు చెప్పడు వీరన్న తరచి చూడ.
.2
గెలిచినంతనె నీవు గొప్ప కాదుర బాబు
ఓడిపోయినోడు ఊరుకోడు
గెలుపు నిలుపుకొనుటె గొప్ప కార్యంబౌను
తప్పు చెప్పడు వీరన్న తరచి చూడ.........
3
ఓరుగల్లు నేడు పోరుగల్లుగ మారి
గొప్ప గెలుపునీకు కట్టబెట్టె
నిన్నె నమ్మిన దెందుకో నీకు తెలియును కదా
తప్పు చెప్పడు వీరన్న తరచి చూడ.
4
ఆగమాగంబుగ అడ్డగోలుగ బోవ
రాచమార్గము నిన్ను రాకాసి యై మింగె
తల్లి కడుపు కోత బాధ యెవనికి బట్టె
తప్పు చెప్పడు వీరన్న తరచి చూడ.
5
గుళ్ల చుట్టూ తిరిగి, పూజలెన్నో చేసి
నైవేద్యము బెట్టి, నారికేళము గొట్టి
మగని మేలే కదా మగువ కోరేదెపుడు
తప్పు చెప్పడు వీరన్న తరచి చూడ.
6
ఉపవాసముండినా ,ఉండ్రాళ్ళు చేసినా
గణపతిని తానెంత గణుతించినాగాని
మగని కీర్తిని పెంచ మగువ కోరిక కదా
తప్పు చెప్పడు వీరన్న తరచి చూడ.
7
అర్థాంగి నిదురోవ అర్ధరాత్రి లేచి
పద్యంబు రాసి తన పాదాల నుంచగా
నిద్రలేచిన తాను నిష్ఠూరమాడెరా!
తప్పు చెప్పడు వీరన్న తరచి చూడ.
8
మాలధారణ చేసి నియమాలు పాటించి
శబరిమలకే వెళ్ళి శబరీషు నే మొక్క
మనిషి మనిషిగ బ్రతుకు మార్గంబు తెలియదా!
తప్పు చెప్పడు వీరన్న తరచి చూడ.
9
స్వామి మాలను వేసి,స్వామి స్వామి యంటు
సర్వ జీవులలోన, స్వామి నే దర్శించ
భేదభావము లేక..తానె స్వామైపోవు!
తప్పు చెప్పడు "వీరన్న" తరచి చూడ
10
(అద్వైత తత్వం)
మేఘాలు కమ్మగనె వర్షాలు కురియునా?
మొగుడన్న ప్రతివాడు మోసమ్ము చేయునా
ధనవంతుడైనంత ..దానగుణముండునా ?
తప్పు చెప్పడు వీరన్న తరచి చూడ.
11
ఎండగొట్టిన గాని ,వాన కురిసిన గాని
గొడుగు క్రిందకె కదా చేరుకుందుం
మంచి చెడు లెట్లున్న మనిషికారడుగులే!
తప్పు చెప్పడు వీరన్న తరచి చూడ!!
12
వాడున్నడో లేడొ! వాదులాటెందుకు?
ఎవడుండి మనకొరగ బెట్టింది ఏమిటి?
నీవు చేసిన పనియె నీకు తిండి పెట్టు
తప్పు చెప్పడు వీరన్న తరచి చూడ.
13
పెద్ద లాయరు కొడుకు,బాగడబ్బున్నోడు
అన్ని వదిలి వెళ్ళె అరుణాచలం
ఎంత ఉన్నా గాని , అనుకుంటెనే మనదిరా!
తప్పు చెప్పడు వీరన్న తరచి చూడ
14
మంచి చెడు లేవైన మాటతోనే వచ్చు
కొంచెమైన మనసు పెట్టి చూడు
నోరు మంచిదైన ఊరు మనదౌనురా!!
తప్పు చెప్పడు వీరన్న తరచి చూడ
15
అహము విడువడ మంటె అంతసులభం కాదు
అన్ని విడిచినపుడె అది సాధ్య మగును లే
మౌనమొక్కటె మనకు మంచి మందౌను గా!!
తప్పు చెప్పడు వీరన్న తరచి చూడ
16
ఒకటి తింటె పాప మొకటేమొ పుణ్యమా?
ఏదైన జీవేననెట్ల మరిచారో
ఈ పాప పుణ్యాల నిర్ణేత పాపిరా!!
తప్పు చెప్పడు వీరన్న తరచి చూడ
17
మతిలేని పనులకు ప్రాపంచ రికార్డు
పసలేని పనులతో మతిలేని వాల్లుండ
పనిలేని వాడెవడొ పిల్లి తల కొరిగెనట
తప్పు చెప్పడు వీరన్న తరచి చూడ
18
కొబ్బరొక్కటి కొట్టి కోటి వరములు కోరె
మూడు కత్తెర లిచ్చి చూడు మోసం చేసె
నోరులేనప్పుడు ఎవరైతె ఏమిటి
తప్పు చెప్పడు వీరన్న తరచి చూడ
19
గంగలో మునిగిన బెంగ తీరి పోవు
నారికేళము తోని నాటి కోర్కెలు తీరు
పనితనమ్మే కదా ఫలము నిర్ణయించు
తప్పు చెప్పడు వీరన్న తరచి చూడ
20
బడిలోన గుడిలోన బాడుగ పనిలోన .
విశ్రమించ వలదు విధిగ నెపుడు
కలలు గనుచోటు కాదది కార్యస్థలము
తప్పు చెప్పడు వీరన్న తరచి చూడ
21
నీకునచ్చినట్లు నీవున్న సరిగాని
ఎల్లరుండమనుట పాడిగాదు
ఎవడికాడే గొప్ప..ఏమందువు
తప్పు చెప్పడు వీరన్న తరచి చూడ
22
ధూమపానం తప్పు,ధూర్త భాషణ తప్పు
మాధ్యపానము తప్పు,మాటతూలుట తప్పు
తప్పులెన్నుట తప్పు,తప్పదనుటే తప్పు
తప్పు చెప్పడు వీరన్న తరచి చూడ
23
తాళి కట్టినపుడె తాను హితురాలయ్యె
తనువులేకమయ్యె తాను నీ వయ్యె
అర్థాంగి కాదురా! అంత తానే నీకు
తప్పు చెప్పడు వీరన్న తరచి చూడ
24
తల్లి ,నాలి ని పోల్చుటెందుకు?
తగవు లాటను పెంచుటెందుకు?
ప్రాణ మిచ్చిన దొకరు ప్రాణమైనదొకరు
తప్పు చెప్పడు వీరన్న తరచి చూడ
25
పొద్దు పొద్దు న లేచి,నీ నిద్ర చెడగొట్టి
నిష్ఠూరమాడుతునె నిన్ను సిధ్ధం చేసి
అరనవ్వుతో కన్పించు ఆలి కద దైవంబు
తప్పు చెప్పడు వీరన్న తరచి చూడ
26
దినమును మొదలెట్టి దినకరున్నోడించి
ఇంటిల్లి పాదికీ అన్ని తానై నిలిచి
అవని పై స్వర్గంబు ఆవిష్కరించెరా!!
తప్పు చెప్పడు వీరన్న తరచి చూడ
27
కలము పట్టినోడు కైత రాయవచ్చు
కమ్మకమ్మగ కథల నల్లవచ్చు
ఆలకించు మంతె అన్ని నమ్మగ రాదు
తప్పు చెప్పడు వీరన్న తరచి చూడ
28
లెక్కలెక్కాలేవి తెలియకున్నను గాని
చదువ అక్షర మసలరయకున్న
లక్కుచాలద లచ్చలెనకేసుకోను
తప్పు చెప్పడు వీరన్న తరచి చూడ
29
29.11.2015
ప్రగతి కామ్యత లేని పాండిత్యమును చూపి
కాల్పనిక భావాల కవితలెన్నో రాయ
భావజాడ్యమె కాని వేరు కాదు
తప్పు చెప్పడు వీరన్న తరచి చూడ
30
చమట చిందెడి చంద్రహాసుల మరచి
బువ్వ పెట్టెడి బక్క రైతు నిడిచి
భామలందములోన బ్రహ్మాండ ముండునా
తప్పు చెప్పడు వీరన్న తరచి చూడ
31
తనువు పుండైపోయి తాను పండైనట్టి
అంగట్ల సరుకైన ఆడదానిని చూసి
వెలయాలనంటావు వెనుకున్న దెవరురా
తప్పు చెప్పడు వీరన్న తరచి చూడ
32
తనువు నే సరుకుగాతాపంబు దీర్చేటి
తాపసిని పట్టుకొని వెలయాలనందువా
పూబంతులట్లైన పుణ్యంబు నీదె కద
తప్పు చెప్పడు వీరన్న తరచి చూడ
33
బీడుభూమికన్న బోడు బండల కన్న
జుట్టు లేని నా బట్ట తలకన్న
అందమైనట్టి కందపద్యం మేలు
తప్పు చెప్పడు వీరన్న తరచి చూడ
34
30.11.2015
తలచినంతనె తనయుడివయ్యావు
గణపతిని చేసి గణుతించినారు
భావమేతప్ప బంధమేమున్నది
తప్పు చెప్పడు వీరన్న తరచి చూడ
35
తాల్చగ తానొక్క పిండి బొమ్మను నాడు
తల్లి పార్వతి కోర్కె తీరెగాని
భావనే తప్ప చెప్పగా బంధమేది?
తప్పు చెప్పడు వీరన్న తరచి చూడ!!
36
తండ్రి కోపము తోడ తలతీసినప్పుడు
తల్లి కోరిక మేర నీ తలను మార్చే
ఆలి కోసమె గాని అందునీదేముంది
తప్పు చెప్పడు వీరన్న తరచి చూడ
37
అమ్మచుట్టు తిరిగి ఆట గెలిచితి నంటు
గణనాయకత్వంబు చేపట్టినపుడు
శంభులీల లోన పావు వైతివి కదా
తప్పు చెప్పడు వీరన్న తరచి చూడ
38
సొంత బంధము లేని శంభులీలలోన
శివతత్వ మర్మంబు గణపతిజననంబు
బంధమంటె భావసంబంధ మని జెప్పె
తప్పు చెప్పడు వీరన్న తరచి చూడ
39
నల్లదుస్తులు వేసి నుదుట నామం రాసి
పొద్దు మాపనిలేక శరణమయ్యప్పంటు
దీక్ష పూర్తి చేయ దక్షుడి వౌదువు
తప్పు చెప్పడు వీరన్న తరచి చూడ
40
1.12.2015
ఏకలింగము సొంతమా ఎయిడ్స్ వ్యాధి
ఒక్క చేతితొ చప్పట్లు కొట్టగలవా
నీతి తప్పిన,పాణమేదైన,తప్పదంతె
తప్పు చెప్పడు వీరన్న తరచి చూడ
41
ఎప్పుడొకవైపె తప్పన్న దుండబోదు
ఆడ,మగ మద్య అగ్ని అంటించబోకు
దారి తప్పిన వారి నపహసించుట తప్పు
తప్పు చెప్పడు వీరన్న తరచి చూడ
42
అందరొక్కటన్న సత్యంబు చెప్పగా
అవని పై మన కొక్క మార్గముంది
అలవోక గా చూడు అయ్యప్ప మాలదీ
తప్పు చెప్పడు వీరన్న తరచి చూడ
43
రమణ మార్గమెంతొ రమ్యమైనది చూడు
మనసు మౌనమె ముఖ్యమన్నది నాడు
తెలిసి మనుటయె సత్య మౌనది నేడు
తప్పు చెప్పడు వీరన్న తరచి చూడ
44
ఏమి చదివి నావు,ఎంత చదివినావు
ఎక్కడ చదివింత ఎదిగినావు
ఎఱుక చెప్పిన పుణ్యంబు అంతనీకె
తప్పు చెప్పడు వీరన్న తరచి చూడ
45
2.12 . 2015
అన్ని తెలిసినోడె ఆగమైపోయినట్లు
చదువులమ్మవయ్యు సంగీతనిధివయ్యు
తలలేని వాడి కిల్లాలి వైనావు
తప్పు చెప్పడు వీరన్న తరచి చూడ
46
సృష్టించి వదిలేసె సృష్టి కర్తయంట
చూడలేక సాకెవాడు వేరే నంట
చదువులమ్మిట్ల... నీ మొగడు చేయతగునా!
తప్పు చెప్పడు వీరన్న తరచి చూడ
47
జిలకర లో కల్తి,జీడి పప్పులొ కల్తి
మెంతుల లో కల్తి,తంతు తంతు న కల్తి
మేడిపండే నేడు మేటి గా నిలిచింది
తప్పు చెప్పడు వీరన్న తరచి చూడ
48
అల్ల ముల్లిలొ కల్తి,ఆవాలలో కల్తి
ఆవుపాలలో కల్తి,ఆముదములో కల్తి
కల్తి సరుకులే లేవన్న మాట కల్తి
తప్పు చెప్పడు వీరన్న తరచి చూడ
49
మించి పోయేదేమి లేనె లేకున్నను
ఆసక్తి కోసమని అంత వేగంబేల?
పోతె పొందలేని ప్రాణమ్ము గొప్పదిర!
తప్పు చెప్పడు వీరన్న తరచి చూడ
50
ఆర్జన తనదైన ఆడంబరము బోరు
కలసి వచ్చిన దైన కాస్త యోచించు
కష్టమెప్పుడైన నష్టపరచ .....నిష్టపడరు
తప్పు చెప్పడు వీరన్న తరచి చూడ.
51
కవిత లల్లిన గాని కథలు చెప్పిన గాని
ఎవడు నమ్మిన తత్వంబు వాడిదేగా
నిక్కమైన నిజము నీవె గుర్తెరగాలి
తప్పు చెప్పడు వీరన్న తరచి చూడ
52
అయ్యప్ప కైననూ అన్నమే కావాలి
పేరు అమృతమ్మె కావచ్చు గాక
దేవ దేవా కనర అన్నదత బాధ
తప్పు చెప్పడు వీరన్న తరచి చూడ
53
6.12.2015
గురుకులాలల్లోన రాచబిడ్డలే నాడు
కలవారి కోసమే కార్పొరేటులు నేడు
కవిత లల్లిన గాని కథలు చెప్పిన గాని
ఎవడు నమ్మిన తత్వంబు వాడిదేగా
నిక్కమైన నిజము నీవె గుర్తెరగాలి
తప్పు చెప్పడు వీరన్న తరచి చూడ
52
అయ్యప్ప కైననూ అన్నమే కావాలి
పేరు అమృతమ్మె కావచ్చు గాక
దేవ దేవా కనర అన్నదత బాధ
తప్పు చెప్పడు వీరన్న తరచి చూడ
53
6.12.2015
గురుకులాలల్లోన రాచబిడ్డలే నాడు
కలవారి కోసమే కార్పొరేటులు నేడు
ఉన్నోళ్ళ చేతిలో బంధీయైనది నీవు
తప్పు చెప్పడు వీరన్న తరచి చూడ
54
చదువులమ్మగ వెలుగొందు శారదాంబకైన
చాంచల్య చిత్త యా లక్ష్మికైన
సామ్యవాదంబంటె చేదాయె నేమిటో!!
తప్పు చెప్పడు వీరన్న తరచి చూడ
55
నీటమునిగెను కదర సాటి జనమంత
ఏటికేల ఈ రీతి కోపమొచ్చెె
వరుణ కోపాగ్ని నెదిరించ ఎవరి తరము?
తప్పు చెప్పడు వీరన్న తరచి చూడ
56
కరువుకాటకాల తల్లడిల్లెడి నేల
చినుకుకోస మలమటించు జనము లేర
వరుణుడీరీతి వర్షించె నేమి ఇచట
తప్పు చెప్పడు వీరన్న తరచి చూడ
57
జాలిలేనోడు నిర్దయామయుడు
నిట్టనిలువున ముంచేసె చెన్నయంత
కరుణనెరుగనోడు వరుణుడెట్లాయెరా
తప్పు చెప్పడు వీరన్న తరచి చూడ
58
మంచి నీళ్ళే లేని ఊళ్ళెన్నొ ఉండగా
మదరాసు నగరాన్ని ముంచి వేసావే
నీటముంచిన వాడ నిన్నెట్లు కొలుతురా
తప్పు చెప్పడు వీరన్న తరచి చూడ
60
పాలకల్లాడేటి పసి పిల్లలను జూసి
పాలివ్వ వచ్చిన సాటి తల్లుల జూడు
కరుణన్న దేమిటో తెలుసుకో వరుణా
తప్పు చెప్పడు వీరన్న తరచి చూడ
61
భక్తి శ్రద్ధల మునిగి సంచరించే జనులతో
గుళ్ళు గోపురాల నిలయమైనట్టి నేలలో
ఏమి తక్కువాయె నీ రీతి వర్షించ !!
తప్పు చెప్పడు వీరన్న తరచి చూడ
62
అవకాశం మూరెడాశ బారెడు
ఆశమూరెడవకాశం బారెడు
సమతుల్యత లోపిస్తే తప్పైపోదా!
తప్పు చెప్పడు వీరన్న తరచి చూడ
63
8.12.2015
కడలినెడబాసి కరిమబ్బై కురిసిందా
కూడళ్ళను ముంచేసి తోడును మింగిందా
తనలాగే అందరంటె నీతౌతుందా
తప్పు చెప్పడు వీరన్న తరచి చూడ
64
నేను నేనైనది నీ వల్లే కదా
నీవు నీవైది నావల్లే కదా
మనమెప్పుడు ఒకరికొకరం
తప్పు చెప్పడు వీరన్న తరచి చూడ
65
పరిమళించిన పూల పులకరించిన నేల
అవతరించెను కాద బతుకమ్మ గా ఇల
జనన మంటె కాదు మనిషి పుట్టుక ఒకటె
తప్పు చెప్పడు వీరన్న తరచి చూడ
66
విప్లవించిన వీర యోధులందరు నాడు
స్వాతంత్ర్య యోధులై సమరాన దూకగా
జనియించె భారతావని ముద్దు బిడ్డలై
తప్పు చెప్పడు వీరన్న తరచి చూడ
67
జననమంటె పసి పాప గానే కాదు
అని లోన,గని లోన సమిధలై శ్రమియించ
జనియించ లేదటో బొగ్గులో బొగ్గులై
తప్పు చెప్పడు వీరన్న తరచి చూడ
68
రక్తాన్ని చెమటగా మార్చు యంత్రాలయ్యి
బువ్వ బెట్టగ నీకు బుగ్గి అవుతున్నోళ్ళు
పుట్టలేదా రైతులై పేద తండ్రులు
తప్పు చెప్పడు వీరన్న తరచి చూడ
69
కవితలంటె కాదు స్తోత్రాలు,కీర్తనలు
చల్ల కదలకుండ పాడేటి పాటలు
బతుకు జననము చూపు మంచి మాటలు గాని
తప్పు చెప్పడు వీరన్న తరచి చూడ
70
సత్కవుల్ హాలికు లైననేమని
పోతనెపుడో చెప్పె వందలేండ్ల క్రింద
రైతన్న సుఖపడిన దేనాడు లేదురా?
తప్పు చెప్పడు వీరన్న తరచి చూడ
71
మోటకొట్టిన్నాడు మురిసి పోయినోడు
మోటరొచ్చినంక ఉరిబోసు కొననేల?
విత్తనాల కల్తి వానుసురు తీసెరా!!
తప్పు చెప్పడు వీరన్న తరచి చూడ
72
నరాలు తేలి నాట్యం చేసిన
కరముల నెప్పుడు ఖాళీ గుంచక
కష్టం చేసిన నష్టం తప్పలె
తప్పు చెప్పడు వీరన్న తరచి చూడ
73
తొలకరితో ..పులకరించిన ఆశలన్నీ
మొక్క మొలవక బిక్కుమనెను
బక్కరైతూ.. ఆశలన్నీ భగ్గుమనెను
తప్పు చెప్పడు వీరన్న తరచి చూడ
74
గడ్డిమోపులు కట్టి చొప్ప గూళ్ళను వేసి
మూగజీవాలకు మేత కూడేసినా
పుణ్యమెప్పుడు లెక్క రాయలే దేవుడు
తప్పు చెప్పడు వీరన్న తరచి చూడ
75
రైతుదేవుడన్న మాటచెప్పుడె తప్ప
పగతుమోసమె కాద ..ప్రతిచోట
పత్రిసమర్పించి ఫలమెంతొ కోరురా
తప్పు చెప్పడు వీరన్న తరచి చూడ
76
బొమ్మ బెట్టినంత భగవంతుడున్నట్ల?
కలము పట్ట గానె కవిత రాసినట్ల!
పరిథి గలిగినంత ఫలమందు కాద !!
తప్పు చెప్పడు వీరన్న తరచి చూడ
77
ఏదైనా ముదిరితే పిచ్చేకాదా
తప్పొప్పులు తెలియకుంటె తప్పైపోదా
కడుపు నిండినవాడి కవితలంతే కదా
తప్పు చెప్పడు వీరన్న తరచి చూడ
78
జయము పొందలేరు కాలము పై నెవరు
రాజైన పేదైన ఉర్వి పై నెవరైన
వాయిదాల బుద్ది మానుకుంటె మేలు
తప్పు చెప్పడు వీరన్న తరచి చూడ
79
అర్ధపర్ధం లేని వాదనలు వద్దురా
అవసరమ్మేమిటో తెలిసికో మేలగు
మాటలమ్ము "కొట్టు" కాదు మీటింగంటె
తప్పు చెప్పడు వీరన్న తరచి చూడ
80
పొగడవినవలె నని యుండు ఏరికైన
పొగిడినంత పొగరు హెచ్చునేమోయని
వెనుకముందాడుదురేమొ విమల మతులు
తప్పు చెప్పడు వీరన్న తరచి చూడ
81
కుక్కనోట చిక్కె చెత్త కుప్పల పాప
ఏ తల్లి కష్టమో,ఏ పాపి మోహమో?
అమ్మతనానికి దూరం చేసినోడిదె పాపం
తప్పు చెప్పడు వీరన్న తరచి చూడ
82
చందస్సు బంధాలు తుంచేసు కున్నాక
కవితలను కొలవగా లెక్కలేమిటొ చెప్పు
కడుపు మంటను తూకమేయంగ తరమే
తప్పు చెప్పడు వీరన్న తరచి చూడ
83
దెబ్బ తాకినంత మూల్గేటి మూల్గుకున్
రాగముుండాలంటు రాద్దాంతమేలరా
కవితరాసే వాడి కలము కడ్డము రాకు
తప్పు చెప్పడు వీరన్న తరచి చూడ
84
తల్లి గర్భమునుండి తా బయటపడగానె
ఏడ్వవలెనని పాప కే గురువు చెప్పెరా
ఏకలవ్యుని కెవడు నేర్పెరా విద్యలు
తప్పు చెప్పడు వీరన్న తరచి చూడ
85
కమనీయ భావాల కదలాడు కలముండ
ఛందస్సు గోలేల చెల్లి ఇందిర నీకు
అనుకుంటె అందని ఫలము కాదది గూడ
తప్పు చెప్పడు వీరన్న తరచి చూడ
86
పడి పడి కి లింగంబు పడిపూజ వైనంబు
"వంగ " చేసు కున్న పుణ్య ఫలము
కృష్ణ స్వామి కళా తృష్ణ కదాఇది
తప్పు చెప్పడు వీరన్న తరచి చూడ
87
హద్దుమీరమెపుడు బుద్దిగా ఉండేము
ముద్దు లొలుకు కవిత లల్లుకుంటు
ముద్దమమందరాల మరిపాలు మావిలే
తప్పు చెప్పడు వీరన్న తరచి చూడ
88
ఇష్టమైన పనిలొ ఈదులాడుచు నుండ
సెలవంటె రోజింత పొడవాయెనేమి?
మనసు మురిసేపని చేయుటే సుఖమన్న
తప్పు చెప్పడు వీరన్న తరచి చూడ
89
అవినీతి జాతీయ మైపోయి నప్పుడు
వరము లాయెను నరులకు బాధలన్ని
భూమాత లంచంబు గా కోరె నెరువు
తప్పు చెప్పడు వీరన్న తరచి చూడ
90
గాలి మాటలు విని ఆలి నొదలినాడు
శంక లేక శంభూకు తల దునిమి నాడు
వంకలేనివాడు కా....గదొంక జెప్పువాడు
తప్పు చెప్పడు వీరన్న తరచి చూడ
91
తనవరము తానడిగె కైక దేమున్నది
శివుని విల్లు విరిచి చేసిన పాపంబు
సకల కష్టములకు కారణమౌగాని
తప్పు చెప్పడు వీరన్న తరచి చూడ
92
అష్ట భార్యలపైన ఇష్టమన్నది లేద
వదహారు వేల తో ప్రణయమాడె
హద్దన్న దే లేక రాధతో సరసాల?
తప్పు చెప్పడు వీరన్న తరచి చూడ
93
చెల్లి ముక్కు గోయ చెలరేగె రావణుడు
నాతి సీత నపహరించె నా కోపమున
హద్దులెరగని చేష్ట లంటె ఇవియే కదా!!
తప్పు చెప్పడు వీరన్న తరచి చూడ
94
తిరుచూళి లోబుట్టి తిరు చూర్ణమే దిద్ది
ఆదిదేవుని చెంత అహము నొదిలె
సన్యసించి తాను మౌని రమణుడాయె
తప్పు చెప్పడు వీరన్న తరచి చూడ
95
అరుణా చలంబతను వీడలే దేనాడు
అంత్యకాలము వరకు అదియె నావాసంబు
హద్దులెరిగిన బుద్ది శాలి రా రమణుండు
తప్పు చెప్పడు వీరన్న తరచి చూడ
96
తల్లి పార్వతి నాడు తపము చేసిందెచట
అలిగిన గణపతిని అనునయించిన దెచట
హద్దులెరిగిన రమణు డడుగు పెట్టిన దకడ
తప్పు చెప్పడు వీరన్న తరచి చూడ
97
గణపతిని తోడ్కొని అరుదెంచె షణ్ముఖుడు
బ్రతక జూపెను బతుకు దారినే భువిపైన
రమణ గణపతులవతరించి ..అరుణాద్రిపై
తప్పు చెప్పడు వీరన్న తరచి చూడ
98
మనసు మౌనమైన మనిషి మునివరుండు
అహము వేరైపోతె వాడెపో దైవంబు
అరుణ రమణుని..తత్వ మర్ధమింతేకద
తప్పు చెప్పడు వీరన్న తరచి చూడ
99
బూటకపు మాటలాడిన ...బ్రహ్మ గర్వ మనిచి
లింగరూపిగ మారె నరుణాద్రి తానయ్యి
అహము నిర్మూలించు మార్గమే తానౌను
తప్పు చెప్పడు వీరన్న తరచి చూడ
100
వేలకవుల నొక్క వేదిక పై చేర్చి
కారణమ్మయ్యిరీ వీరన్న పదము లల్ల
కృష్ణ కళా రవీంద్రుల కష్టఫలము
తప్పు చెప్పడు వీరన్న తరచి చూడ
101
కృష్ణ స్నేహము వయసు పాతికేళ్ళు
ఒడుదొడుకులెదురైన ఓడిపోలేదెపుడు
ఓరిమి కూరిమి తురిమిన మేళవవింపు.
తప్పు చెప్పడు వీరన్న తరచి చూడ
102
కడుపు నిండినోడి మాటలలో శాంతి
ఆకలేసినోడి వాదనలో....అశాంతి
వేరుచేసి చూడ కూడదన్నది నిజము
తప్పు చెప్పడు వీరన్న తరచి చూడ
103
ఒక్క వాదము కాదొక్క వేదము కాదు
ఎవరి వాదంబైన ..మన్నన లే పొందు
కవిసహస్రంబెపుడు కవిత పక్షమె సుమీ
తప్పు చెప్పడు వీరన్న తరచి చూడ
104
కవి సహస్రం తోడ కదిలిన భాగ్యమ్ము
పదము లల్లు ప్రతిభ కలిగె నేమొ
వంద పదములు చెప్ప వింతేమిగాదు
తప్పు చెప్పడు వీరన్న తరచి చూడ
105
జనము కోసమె ధనమైన దేవుడైన
వారిక్షేమము వాంఛించు వారె కవులు
కవిసహస్రమైన కోరున దంతేగ
తప్పు చెప్పడు వీరన్న తరచి చూడ
106
నేనను,నాదను ,అజ్ఞానపు కొలిమి రగల
కలగబోదు శాంతి ఇసుమంతైన
గీత చెప్పిన బోధ, కాదు నా హిత బోధ
తప్పు చెప్పడు వీరన్న తరచి చూడ
ఒక్క వాదము కాదొక్క వేదము కాదు
ఎవరి వాదంబైన ..మన్నన లే పొందు
కవిసహస్రంబెపుడు కవిత పక్షమె సుమీ
తప్పు చెప్పడు వీరన్న తరచి చూడ
104
కవి సహస్రం తోడ కదిలిన భాగ్యమ్ము
పదము లల్లు ప్రతిభ కలిగె నేమొ
వంద పదములు చెప్ప వింతేమిగాదు
తప్పు చెప్పడు వీరన్న తరచి చూడ
105
జనము కోసమె ధనమైన దేవుడైన
వారిక్షేమము వాంఛించు వారె కవులు
కవిసహస్రమైన కోరున దంతేగ
తప్పు చెప్పడు వీరన్న తరచి చూడ
106
నేనను,నాదను ,అజ్ఞానపు కొలిమి రగల
కలగబోదు శాంతి ఇసుమంతైన
గీత చెప్పిన బోధ, కాదు నా హిత బోధ
తప్పు చెప్పడు వీరన్న తరచి చూడ
107
బతికినన్నాళ్ళు బ్రతకనీ పక్కవాన్ని
తొవ్వకెప్పుడు తోటి వాడి లోపమ్మునూ
వెయ్యేండ్లు బతకగా రాసిలేదెవరికీ
తప్పు చెప్పడు వీరన్న తరచి చూడ
108
గీతా శ్లోకం చెప్పి సెలవు తీసుకుంటా
నిర్మాణ మోహా జితసంగ దోషా
అధ్యాత్మ నిత్యా విని వృత్త కామాః!
ద్వంద్వైర్విముక్తా స్సుఖదుఃఖ సంజ్ఞై
ర్గఛ్చంత్యమూఢాః పద మవ్యయం తత్!
5 వ శ్లోకం 15 వ అధ్యాయం
